„Коне Ојџ“ (Kone Oyj) се согласи да го купи „ТК Елеватор“ (TK Elevator) за 29,4 милијарди евра (34,4 милијарди долари), вклучувајќи го и долгот, што ќе биде еден од најголемите излези од приватен капитал во Европа.
Финската компанија објави договор за готовина и акции за „ТК Елеватор“, кој е во сопственост на „Адвент“ и „Цинвен“, во соопштение во среда, со кое се потврдува извештајот на „Блумберг њуз“.
Се очекува трансакцијата да биде завршена најрано во вториот квартал од 2027 година, под услов да бидат одобрена од регулаторите во неколку јурисдикции, соопшти „Коне“.
Здружената група, со седиште во Финска, ќе биде двојно поголема од „Коне“, со повеќе од 100.000 вработени во околу 100 земји, додаде компанијата. Годишната продажба ќе изнесува околу 20,5 милијарди евра.
„Коне“ е заинтересирана за „ТК Елеватор“ со години. Претходниот обид да го купи бизнисот во 2020 година беше неуспешен, кога се здружи со „ЦВЦ Капитал Партнерс Плц“ пред да изгуби од „Адвент“ и „Цинвен“.
Договорот ќе му обезбеди на „Коне“ поголема изложеност на профитабилниот бизнис за одржување во САД и зголемување на ефикасноста од поголем обем, според аналитичарите на „Блумберг интелиџенс“. „Коне“ добива околу една четвртина од своите приходи од Америка, а околу 40 проценти од Европа.
.webp){kind=icon}
