„Оракл“ намали 21.000 работни места во изминатите 12 месеци, што е поголем обем на отпуштања отколку што претходно беше познато, при што дел од позициите биле укинати поради употребата на вештачка интелигенција.
„Усвојувањето и примената на технологии базирани на вештачка интелигенција во нашите операции доведоа, а може и понатаму да доведуваат, до намалување на бројот на вработени“, соопшти компанијата во годишниот регулаторен финансиски извештај објавен во понеделникот.
Бројот на вработени со полно работно време на глобално ниво се намалил на 141.000 заклучно со 31 мај, од 162.000 една година претходно. Намалувањата резултирале со околу 1,8 милијарди долари трошоци за преструктурирање.
„Оракл“ се соочува со финансиски притисоци поради скапата изградба на центри за податоци за вештачка интелигенција за клиенти како „Опен еј-ај“. Компанијата годинава почна да укинува илјадници работни места во обид да заштеди средства, објави претходно Блумберг. Точниот обем на отпуштањата досега не беше официјално објавен.
На крајот на мај, компанијата имала околу 49.000 вработени во САД и уште 92.000 во останатиот дел од светот.
Бројот на вработени во „Оракл“ се намали за 13 отсто по масовните отпуштања
Bloomberg
Бројот на вработени во „Оракл“ сега е малку понизок отколку пред преземањето на компанијата „Кернер“ (Cerner) во 2022 година.
Со аквизицијата вредна 28 милијарди долари, „Оракл“ доби илјадници нови вработени, од кои голем дел беа во седиштето на „Кернер“ во областа на Канзас Сити.
.webp){kind=icon}
