.webp){kind=icon}
Amazon.com Inc. објави дека ќе ги зголеми платите за еден час работа за работниците во САД кои се ангажирани да работат за саатница. Со тоа просечната плата за вработените во магацините и транспортот ќе надмине 19 долари за час.
Најниската саатница во компанијата изнесува 15 долари и ќе остане непроменета. За работниците кои работат на испорака до купувачите и во секторот транспорт почетната саатница ќе се искачи на 16 долари за час.
Комапнијата сместена во Сиетл соопшти дека покачувањето ќе претставува дополнителен трошок од близу една милијарда долари во следната година. Амазон е втор најголем работодавач во САД, по Волмарт. Вработуваше над 1,1 милиони луѓе на крајот на минатата година. До 30 јуни вкупниот број на вработени во САД изнесуваше над 1,5 милиони. Повеќето од работниците се ангажирани на час кои работат на пакување и испорака, во или во малопродажба во продавниците како Whole Foods Market и Amazon Fresh.
Компанијата развива и програма според која вработените ќе добиваат плата почесто отколку сега кога се плаќани еднаш или два пати месечно.
Амазон се соочува со активизам и синдикално делување во некои од фабриките, вклучително и магацините во Албани, Њујорк, каде има закажано гласање за следниот месец. Компанијата се соочи со гласање во април кога повеќе од 8000 работници на Стетен Исланд, Њујорк, добија право да се организираат во синдикат.
