Американската компанија „Лонгтејл Ад Солушенс“ ќе се стекне со самостојна контрола врз македонската компанија „Инплеер Хуб“ (Inplayer Hub) преку стекнување удел и средства, како и врз одредени средства на англиската компанија „ИнПлеер Лимитед“ (InPlayer Limited). За промените во сопственоста веќе е известена Комисијата за заштита на конкуренцијата.
„Лонгтејл АД Солушенс“ е регистрирана во Делавер, САД е владејачко друштво на „ЈВ Плеер“ (JW Player). Станува збор за компанија која обезбедува технологија за онлајн репродукција на видеа на барање и гледање на видеа во живо, која се продава на онлајн издавачи и радиодифузери на база на софтверска услуга.
Основната деловна активност на „Инплеер хуб“ Скопје е развивање на софтвер. Поконкретно, компанијата учествува во развивањето и работењето на платформата „ИнПлеер“ за монетизација на видеа, што вклучува и обезбедување на услуги за поддршка на корисниците.
.webp){kind=icon}
