.webp){kind=icon}
„Фершпед“ АД Скопје во периодот јануари-септември 2022 година оствари нето добивка од 72,7 милиони денари (1,18 милиони евра), што е незначително намалување во однос на истиот период минатата година кога добивката на компанијата изнесувала 73,3 милиони денари (1,19 милиони евра).
Забележително е дека компанијата успеа да ја одржи добивката на приближно исто ниво како и во минатата година и покрај несразмерното зголемување на расходите во однос на приходите.
Имено, вкупните приходи од работењето на „Фершпед“ за периодот јануари-септември 2022 година изнесуваат 3,4 милијарди денари (56,6 милиони евра) и бележат зголемување за 4 проценти во однос на вкупните приходи остварени во истиот период минатата година.
Од друга страна, вкупните расходи остварени во периодот јануари-септември 2022 година изнесуваат 3,2 милијарди денари (53 милиони евра) и бележат зголемување од 53 проценти во однос на расходите од истиот период минатата година.
