text size
Компанијата (Twitter) Твитер, која по налог на новиот сопственик Илон Маск одлучи да отпушти речиси половина од своите вработени во петокот, сега бара од дел од вработените да се вратат назад на работните места. Маск плати 44 милијарди долари за една од најпознатите компании во светот, а освен купопродажбата светот го обиколија вестите за масовните отпуштања секако, предводени од самиот нов сопственик. Извори од Твитер кои сакаа да останат анонимни тврдат дека менаџментот тврдел дека некои вработени кои компанијата ги отпуштила и сега бара да се вратат назад, добиле отказ по грешка. Другите наводно биле отпуштени пред раководството да сфати дека нивната работа и искуство може да бидат неопходни за реализација на новите функции кои ги замисли Маск, изјавија изворите.
Твитер отпушти речиси 3.700 луѓе преку електронска пошта минатата недела за да ги намали трошоците по аквизицијата на Маск, која беше договорена на крајот на октомври. Многу вработени дознале дека ги изгубиле своите работни места кога нивните сметки во системите на компанијата, како што се е-пошта и Slack, ненадејно биле прекинати. Колку бил бурен и хаотичен тој процес покажува барањето за враќање на вработените.
Портпаролот на Твитер не одговори на барањето за коментар. Планот на Твитер за повторно вработување на отпуштени работници беше претходно објавен од Платформер.
„Кога станува збор за отпуштање вработени во Твитер, за жал, нема избор кога компанијата губи преку 4 милиони долари дневно“, напиша Маск во петокот на Твитер.
Инаку Маск ги притиска оние што останале во компанијата брзо да испорачуваат нови функции, а во некои случаи, вработените дури спиеле во своите канцеларии за да ги исполнат новите рокови.
Во текот на викендот, Твитер лансираше нов план за претплата за Twitter Blue, нудејќи проверка на сметката на секој корисник кој плаќа осум долари месечно. Компанијата, исто така, рече дека наскоро ќе додаде други поволности, вклучувајќи новина за рекламите, можност за објавување подолги видеа и приоритетен ранг во одговорите, ознаките и пребарувањата.
.webp){kind=icon}
