.webp){kind=icon}
Основачот на „Ред Бул“, Дитрих Матешич, кој почина минатиот месец, неодамна доби рекордна дивиденда од 866 милиони евра од финансиките остварувања на производителот на енергетски пијалоци во 2021 година.
Според корпоративниот регистар на Австрија, исплатата на тогашната најбогата личност во Австрија била за 28 проценти поголема од претходната година. Синот на Матешич, Марк, го наследи неговиот удел од 49 проценти во компанијата.
Исплатата на Матешич го вклучуваше неговиот дел од половина од годишната добивка од 1,51 милијарди евра и нераспределената добивка од 500 милиони евра што беа поделени меѓу акционерите, вклучително и семејството Јовидја во Тајланд.
Матешич, кој имаше богатство од 15,1 милијарда долари според индексот на милијардери на Блумберг, доби дополнителна исплата од 250 милиони евра над неговиот пропорционален удел.
Продажбата на „Ред Бул“ се зголеми за четвртина минатата година на 5,3 милијарди евра на неконсолидирана основа, зголемувајќи го нето приходот за 37 проценти. Компанијата сè уште не го објавила својот извештај на ниво на групација, кој вклучува подетален преглед на минатогодишните перформанси.
