„Амазон“ (Amazon.com Inc.) е првата јавна компанија во светот што загуби илјада милијарди долари од пазарната вредност како комбинација од зголемената инфлација, заострувањето на монетарните политики и разочарувачките извештаи за заработката, кои годинава предизвикаа историска распродажба на акциите.
Акциите на компанијата за е-трговија и услуги во облак паднаа за 4,3 отсто во средата, потиснувајќи ја нејзината пазарна вредност на околу 879 милијарди долари од рекордното затворање на 1,88 илјада милијарди долари во јули минатата година. „Амазон“ и „Виндоус“ (Windows) долго време беа блиску во трката за непопуларното достигнување, па производителот на софтвер е блиску одзади, откако изгуби 889 милијарди долари од врвот во ноември 2021 година.
Технолошките акции имаат слаби резултати во текот на годинава, а стравувањата од рецесија дополнително го намалија расположението во секторот. Најдобрите пет американски технолошки компании според приходите, годинава забележаа испарување на пазарната вредност од речиси четири илјади милијарди долари.
Bloomberg Chartmaker
Најголемиот онлајн трговец на мало во светот ја мина годинава приспособувајќи се на наглото забавување во растот на е-трговијата, бидејќи купувачите ги продолжија навиките од пред пандемијата. Акциите на компанијата паднаа речиси за 50 отсто поради забавување на продажбата, зголемени трошоци и скок на каматните стапки. Од почетокот на годината, коосновачот Џеф Безос забележа пад на богатство за околу 83 милијарди долари, на 109 милијарди долари, според податоците собрани од „Блумберг“.
Минатиот месец, „Амазон“го проектира најбавниот раст на приходите за празничниот квартал во историјата на компанијата, бидејќи купувачите ги намалуваат трошоците во услови на економска несигурност. Тоа ја спушти нејзината пазарна вредност под илјада милијарди американски долари за првпат по растот на технолошките акции, поттикнат од пандемијата пред повеќе од две години.
.webp){kind=icon}
