Есте Лаудер е блиску до договор за купување на американскиот луксузен бренд Том Форд, основан од поранешниот долгогодишен креативен директор на Гучи, објави во петокот Financial Times.
Трансакцијата за купување на компанијата Том Форд, модна империја која вклучува машка облека, очила, козметика и мириси, се проценува на 2,8 милијарди долари, се вели во извештајот.
Том Форд, 61-годишник роден во Остин, Тексас, ја основал својата истоимена компанија во 2005 година, една година по напуштањето на Гучи, која ја ревитализирал за време на деценискиот мандат како креативен директор. Тој исто така беше креативен директор за куќата на Ив Сен Лоран по купувањето на Гучи во 1999 година.
Брендот продава очила произведени и дистрибуирани од Marcolin SpA, како и козметички производи и мириси лиценцирани од Estée Lauder. Понудата на брендот вклучува и додатоци како што се часовници и мали кожни производи.
.webp){kind=icon}
