Твитер (Twitter) во четвртокот објави дека привремено ги затвора своите канцеларии откако Илон Маск им постави ултиматум на вработените: да останат во компанијата и да работат долго и многу напорно или да се откажат и да земат отпремнина за три месеци.
Затворањето, кое ќе трае до понеделник, дојде откако неочекувано многу работници се одлучија за втората опција, според извори запознаени со ситуацијата, што предизвикало конфузија околу тоа на кого сега може да му се дозволи пристап до просториите на компанијата.
Ова е уште еден удар за Маск, кој отпушти половина од работната сила откако ја презеде компанијата, но потоа мораше да побара некои од отпуштените да се вратат назад на работните места за да ја изградат платформата што тој ја замислува.
Прочитај повеќе
Маск до вработените во Твитер: Хардкор ангажман или заминување
Тримесечна отпремнина за оние што ќе си заминат
16.11.2022
Не е само Маск - пет примери на масовни отпуштања на уште полош начин
Масовни отпуштања пред Божик, откази преку СМС пораки или соопштени од робот, се само дел од оваа неверојатна листа.
15.11.2022
Маск со брзи казни за инженери од „Твитер“ кои јавно го прекорија
Новиот сопственик на „Твитер“, кој себеси се нарече „апсолутист за слободен говор“, прибегна кон отпуштање на вработени кои го прекоруваат.
15.11.2022
Маск: Работам седум дена неделно, од утро до мрак
„Работам апсолутно најмногу што можам - од утро до вечер, седум дена во неделата“, кажа Маск.
14.11.2022
Маск: Постои можност „Твитер“ да банкротира
Банкротот е можност доколку компанијата не почне да генерира повеќе пари, велат упатени извори, пренесувајќи ги зборовите на Маск.
11.11.2022
Во првиот мејл до вработените, Маск ја забрани работата од далечина
Маск во електронска порака им најавил на вработените дека ги подготвува за тешките времиња кои претстојат.
10.11.2022
Бидејќи внатрешните комуникациски канали на компанијата биле преполни со најави за заминувања, Маск ја омекна одлуката против работата од далечина. „Сè што е потребно за одобрување е вашиот менаџер да преземе одговорност и да се погрижи вашиот придонес да биде одличен“, напиша тој во е-пошта во четвртокот.
По оваа вест, главни теми поврзани со компанијата на интернет во САД станаа #RestInPeaceTwitter #Twitter HQ и „44 милијарди долари“, колку што Маск плати за социјалната мрежа.
Во прилог е писмото што компанијата го испратила до вработените со најава за затворање на канцелариите:
Здраво,
Привремено ги затвораме нашите деловни згради и нема да функционираат никакви влезни картички. Канцелариите повторно ќе бидат отворени во понеделник, 21 ноември.
Ви благодариме за вашата флексибилност. Ве молиме, продолжете да се придржувате до политиката на компанијата и воздржете се од дискусии за доверливи информации на социјалните мрежи, со медиумите или на друго место.
Со нетрпение очекуваме да соработуваме со вас во возбудливата иднина што претстои.
.webp){kind=icon}
