Трговската куќа „Аламеда рисрч“ (Alameda Research) на Сем Банкмен-Фрид имала тајна предност во брзината при извршувањето на налозите за купување или продавање на неговата сега веќе непостојна криптоберза FTX, според американската комисија за тргување со фјучерси на стоки (US Commodity Futures Trading Commission - CFTC).
„Аламеда“, која исто така поднесе барање за стечај минатиот месец заедно со FTX, можела да заобиколи одредени делови од трговските процедури на берзата и некои автоматизирани процеси за верификација, се вели во жалбата на CFTC, поднесена во вторникот до федералниот суд на Менхетн.
Овие предности не биле јавно обелоденети и обезбедиле значителна предност во брзината, посочија од CFTC.
Додека другите клиенти (повеќето или сите други) што пристапувале до платформата на криптоберзата преку апликацискиот програмски интерфејс (API), своите налози за трансакции ги извршувале преку системот на FTX, „Аламеда“ била во можност да заобиколи одредени делови од тој систем и да добие побрз пристап до API, се наведува во документот.
Bloomberg
„Налозите за трансакции на 'Аламеда' се примале неколку милисекунди побрзо од оние на другите корисници на API“, соопшти CFTC. „Во сектор за тргување со висока фреквенција, тоа е значајна временска предност“, додаваат оттаму.
Карактеристиките на сметката на „Аламеда“ на FTX, исто така, ѝ дозволувале да избегнува автоматски чекори, како што е проверка на расположливите средства пред да се изврши трансакција, се наведува во тужбата.
CFTC појаснува дека ако други клиенти направеле неколку нарачки одеднаш, овие проверки се одвивале по редослед, за секоја трансакција да се потврди како одржлива. „Ова не се однесувало на сметката на 'Аламеда'“.
Портпаролот на Банкмен-Фрид, Марк Ботник, одби да ги коментира специфичните тврдења за предност во брзината изнесени од страна на CFTC.
Во криптоиндустријата постоеше долгогодишна загриженост дека „Аламеда“ добива повластен третман од FTX. Во септември, Банкмен-Фрид рече дека „Аламеда“ вршела нарачки и пристапувала до информации за клиентите на ист начин како што правеле и другите корисници.
Twitter/Printscreen
.webp){kind=icon}
