„Твитер“ почна да враќа дел од профилите што беа суспендирани поради прекршување на правилата на платформата, а компанијата планира да реактивира уште голем дел од нив во следните 30 дена.
„Твитер“ информира дека идентификувале неколку правила во кои трајната суспензија е некомпатибилно обработена во делот за прекршување на правилата. Компанијата информира дека реактивираните профили и натаму мора да бидат во согласност со тие правила.
„Трајната суспензија останува мерка за сериозни прекршувања на правилата“, велат од „Твитер“.
Милијардерот Илон Маск, кој е сопственик на „Твитер“, самиот објави на социјалната мрежа дека на профилите на тие што, според неговите тврдења, делеле детали во врска со неговите лични локации, сега ќе им биде укината суспензијата како резултат на анкетата што ја спроведе таа социјална мрежа токму во врска со ова прашање.
Претходно, во текот на оваа недела, социјалната платформа суспендира профили на неколку истакнати новинари, вклучувајќи и професионалци од „Вашингтон пост“, Си-ен-ен и „Њујорк тајмс“, кои известуваа за Маск, а за кои тој тврдеше дека го загрозуваат неговото семејство.
.webp){kind=icon}
