Лондонскиот аеродром „Хитроу“ бара од авиокомпаниите да прекинат со продажбата на карти за дојдовните летови во текот на Божиќ, во обид да се минимизираат штетите за време на штрајковите.
Планот е осмислен во соработка со „Бритиш ервејс“ (British Airways) и „Вирџин Атлантик“ (Virgin Atlantic Airways Ltd), кои се главни оператори и имаат намера да се придржуваат до планот, а истото тоа се бара и од другите авиокомпании, објави „Хитроу“ во своето соопштение.
Граничарите претходно писмено се обратија до аеродромите, барајќи од нив да ја ограничат побарувачката на не повеќе од 80 проценти од 2019 година за дојдовните летови во текот на штрајкот, информираат од „Хитроу“.
Претставниците на синдикатот треба да штрајкуваат поради платите на „Хитроу“ и другите главни авиоцентри во Обединетото Кралство од 23 до 31 декември, период кога се очекува првиот божиќен метеж од олабавувањето на мерките по пандемијата на ковид.
Од „Хитроу“ велат дека иако најверојатно ќе има долги редици луѓе што не ги исполнуваат условите за користење електронски влезни врати, не очекуваат да има поголеми нарушувања.
Британските работници во секторите што ги опфаќаат здравствените услуги, железничката мрежа и поштенската кралска агенција веќе штрајкуваат, барајќи зголемување на платите, за да се справат со растечките цени и трошоците за живот.
Владата смета дека допуштање на остро зголемување на платите значи ризик за инфлацијата и уште една полоша криза со трошоците за живот.
Од „Бритиш ервејс“ рекоа дека секој што веќе резервирал патување може да го реализира според планот, додека купувачите што сакаат да ги променат датумите на летање можат да го сторат тоа без надомест.
Министерството за внатрешни работи на Обединетото Кралство, кое е одговорно за граничните сили, не коментираше веднаш во врска со сугестиите од „Хитроу“ дека се бара ограничување на бројот на патниците.
.webp){kind=icon}
Во моментов нема коментари за веста. Биди прв да коментира...