Турската компанија „Калтун Енерџи“ (Kaltun Enerji) склучи договор со сонародната „ЈЕО Технолоџи“ (YEO Teknoloji) за изградба на ветерен парк од 44 мегавати во Македонија.
Скопската компанија „Калтун енерџи“, која е дел од турската групација „Калтун“, минатиот октомври објави дека добила дозвола за реализација на проектот за изградба на ветерна електрана на југот на земјата кај местото Дрен, во општина Гевгелија во близина на грчката граница.
„Ќе ги преземеме сите работи за електрификација и автоматизација, како што се дизајнирање, инженерство, набавка, монтажа, тестирање и пуштање во работа на ветерната централа од 44 мегавати“, твитна неодамна „ЈЕО Технолоџи“.
Во првата фаза во изградбата на ветерниот парк Дрен се предвидува поставување на на седум турбини од вкупно 34 мегавати, додека во подоцнежната фаза ќе бидат додадени уште две турбини од 5 мегавати. Се проценува дека инвестицијата е вредна 6,45 милиони евра.
.webp){kind=icon}
Во моментов нема коментари за веста. Биди прв да коментира...