„Дел“ (Dell Technologies Inc), соочена со опаѓање на побарувачката за персонални компјутери, ќе укине околу 6.650 работни места, со што ќе стане најновата технолошка компанија што објави дека ќе отпушти илјадници вработени.
„Компанијата доживува пазарни услови што продолжуваат да нагризуваат со неизвесна иднина“, напиша помошникот на главниот оперативен директор Џеф Кларк во меморандумот, во кој „Блумберг“ имаше увид. Намалувањата на работните места изнесуваат околу пет проценти од вкупната работна сила на „Дел“ во светот, според портпаролот на компанијата.
Bloomberg Mercury
По бумот на персоналните компјутери во ерата на пандемијата, „Дел“ и другите производители на хардвер забележаа зголемена побарувачка. Индустриската аналитичка куќа ИДЦ (IDC) рече дека прелиминарните податоци покажуваат дека испораките на персонални компјутери драстично се намалиле во четвртиот квартал од 2022 година. Според ИДЦ, меѓу големите компании, „Дел“ забележа најголем пад, од дури 37 проценти, во споредба со истиот период во 2021 година, а оваа компанија генерира околу 55 отсто од приходите од компјутери.
Кларк им рече на работниците дека претходните мерки за намалување на трошоците, вклучувајќи и паузирање на вработувањата и ограничување на патувањата, повеќе не се доволни. „Реорганизациите во секторите, заедно со намалувањата на работните места, се гледаат како можност да се поттикне ефикасноста“, рече портпаролот.
Во последните месеци технолошкиот сектор се соочува со бран отпуштања, вклучувајќи и во многу компании конкуренти на „Дел“. ХП (HP Inc), компанија што е слично изложена на пазарот на персонални компјутери, во ноември најави намалување дури за 6.000 работници. „Циско“ (Cisco Systems Inc) и „Интернешнел бизнис машинс“ (International Business Machines Corp) рекоа дека ќе отпуштат по околу 4.000 работници. Технолошкиот сектор објави вкупно 97.171 отказ на работници во 2022 година, што е за 649 проценти повеќе во споредба со претходната година, според консултантската компанија „Челинџер“ (Challenger, Gray & Christmas Inc).
По намалувањето во „Дел“, бројот на вработени во „Раунд рок“ (Round Rock), чие седиште е во Тексас, ќе биде најнизок во последните шест години, односно ќе има околу 39.000 вработени помалку отколку во јануари 2020 година. Според податоците, само околу една третина од вработените во компанијата се наоѓаат во САД.
„Дел“ објави пад на продажбата од шест проценти во периодот што заврши на 28 октомври и даде прогноза за приходите за тековниот квартал што не ги исполнува процените на аналитичарите, велејќи дека клиентите го намалуваат купувањето информатичка технологија. Се очекува компанијата да обезбеди дополнителни информации за финансиското влијание на кратењата на работните места кога ќе ги објави фискалните резултати за четвртиот квартал, што е планирано на 2 март.
„И порано сме се справувале со економски падови и сме излегувале посилни. Ќе бидеме подготвени кога пазарот ќе закрепне“, напиша Кларк во својата белешка до вработените.
„Е и ППФ Телеком“ постигна договор за купување на 100 отсто од акциите на „Јунајтед Србија Броудбенд“ (United Serbia Broadband - SBB) за 825 милиони евра.
Тикток ќе биде погоден со казна за кршење на приватноста од повеќе од 500 милиони евра поради нелегално испраќање податоци на европските корисници во Кина.
Истрагата на ЕУ откри дека 16 големи производители на автомобили, како и Европската асоцијација на производители на автомобили, пред повеќе од 15 години склучиле договори против пазарната конкуренција.
Внесете ја вашата имејл-адреса на која ќе ви испратиме линк за ресетирање на лозинката.
Надминат е максималниот број уреди. Ако сте сопственик на сметката, кликнете на „Испрати најавување со е-пошта“ за да добиете е-пошта со врска за најавување. Откако ќе ја следите врската, ќе можете да управувате со уредите поврзани со вашата сметка.
.webp){kind=icon}
