Пјеро Ферари минатата година постави план за неговото наследство, за да го одржи богатството што неговото семејство го акумулираше во изминатите седум децении конструирајќи суперавтомобили украсени со логото на црн исправен коњ.
Дури и сега, додека тој се подготвува да ги пренасочи своите милијарди, неговото богатство се зголемува.
Пјеро (77) неодамна за првпат се приклучи во листата на 500-те најбогати луѓе во светот, бидејќи „Ферари“ (Ferrari NV) ползува од богатите купувачи, кои се помалку погодени од зголемената инфлација и зголемувањето на каматните стапки.
Пјеро Ферари
Bloomberg
Прочитајте повеќе: Наследникот на „Ферари“ има план кому да му го остави богатството
Акциите на производителот на автомобили со седиште во Маранело, Италија, се тргуваат блиску до рекордното ниво, откако резултатите од цела година ги надминаа очекувањата, а компанијата ја зголеми својата перспектива за 2023 година поради силната побарувачка за модели со висока маржа, како што е нејзиниот нов кросовер „пуросангве“ (Purosangue) од 390.000 евра (418.000 долари). „Производителот исто така прави исчекор кон поодржливи возила и планира да го претстави своето прво целосно електрично ’ферари’“ во 2025 година, изјави главниот извршен директор Бенедето Виња во интервју овој месец.
Пјеро Ферари сега има нето-вредност од 5,6 милијарди долари преку приближно 10 отсто од акциите во производителот на суперавтомобили, што го прави 467-от најбогат човек во светот, според индексот на милијардери на „Блумберг“.
Претставник на Ферари одби да коментира.
Ферари првпат се појави како милијардер во 2015 година, по првичната јавна понуда во Њујорк на бизнисот што неговиот татко Енцо го основа пред повеќе од шест децении Оттогаш, акциите на компанијата се зголемија за повеќе од 400 отсто, а исто така го зголемија богатството на милијардерската династија Ањели, најголемиот акционер во „Ферари“, со 24 отсто од акциите преку холдинг-компанијата „Ексор“ (Exor NV).
Акциите на производителот на суперавтомобили се зголемија за повеќе од 400 отсто од нивната котација во 2015-та
Bloomberg
Пјеро го наследил својот удел во „Ферари“ од татко си, кој починал во 1988 година, на 90-годишна возраст. Енцо работел како тркач за „Алфа Ромео“ пред да ја основа својата компанија за автомобили веднаш по крајот на Втората светска војна.
„Татко ми навистина сакаше да знае што мислат обожавателите“, рече Пјеро за Енцо во видео објавено минатиот месец. „Тој беше личност што ги слушаше луѓето“.
.webp){kind=icon}
