.webp){kind=icon}
„Тојота“ (Toyota Motor Corp) се согласи да ги даде најголемите покачувања на платите во последните две децении. Компанијата ќе ги зголеми платите, вклучувајќи ги основните плати и бонусите, соопштија утрово оттаму, иако крајниот рок за донесување заклучок од преговорите беше до март.
Ова е трета година по ред најголемиот светски производител на автомобили во целост да ги исполнува барањата на синдикатот, соопшти компанијата.
Платите зазедоа централно место во Јапонија, бидејќи тамошната централна банка посочи дека мора да види посилен раст на платите за да се осигури дека трендот на цените е одржлив. Банката на Јапонија има за цел инфлација од два отсто, но дури и со растот на клучните цени од четири проценти во економијата, централната банка останува посветена на својата голема програма за стимулирање сè додека и платите не покажат поголеми добивки.
„Тојота“ соопшти дека бонусите оваа година ќе бидат еднакви на 6,7 месечни плати. Од компанијата не дадоа преглед на процентуалните зголемувања на платите за работниците, кои се дефинирани во многу категории. Синдикатот соопшти дека зголемувањето на платите било најголемо во последните 20 години.
Казуо Уеда е изборот на владата да го преземе кормилото на централната банка на почетокот на април, во услови на шпекулации на пазарот дека може да следува промена на политиката, промена што ќе влијае на пазарите низ светот. Актуелниот гувернер на банката Харухико Курода посочи дека е неопходен раст на платите од три проценти за да се поддржи стабилната инфлација од два отсто.
