„Мета“ (Meta Platforms Inc) се подготвува за нова рунда кратења на работните места, насочени кон различни сектори и различни подружници на компанијата низ светот. Тоа е дел од напорите за реорганизирање и намалување на персоналот и може да влијае на илјадници работници, објави „Вашингтон пост“.
Компанијата, која отпушти 13 отсто од својата работна сила во ноември, за време на првиот голем бран отпуштања, сега размислува за нови откази, вклучувајќи и намалување на некои проекти и кратење работни места, објави весникот цитирајќи анонимни извори запознаени со плановите на компанијата.
„Блумберг“ претходно објави дека „Мета“ спроведува процес интерно познат како „израмнување“, барајќи од многу свои менаџери и директори да преминат на работни места со поединечни соработници или да ја напуштат компанијата, која се обидува да стане поефикасна.
Главниот извршен директор на „Мета“, Марк Закерберг, за време на презентацијата на извештајот за заработката на компанијата овој месец објасни дека сè уште чувствува дека организацијата се движи премногу бавно и е премногу надуена. Тој ја нарече 2023-та „година на ефикасност“ и вети дека ќе го намали бројот на средни менаџери, како и проектите што не се доволно успешни.
Голем број вработени во компанијата уште од првиот бран откази се загрижени дека може да има уште повеќе отпуштања и дека може да го загубат своето работно место.
.webp){kind=icon}
