Винарската визба „Тиквеш“ лани оствари добивка по оданочување од 184 милиони денари (2,9 милиони евра), што е зголемување за 27 проценти во однос на претходната година кога добивката на компанијата изнесувала 144 милиони денари(2,3 милиони евра), покажува билансот на успех на компанијата објавен преку Македонската берза.
„Тиквеш“ лани има вкупни приходи од продажба во износ од 2,6 милијарди денари (43 милиони евра) односно раст од 39 проценти во однос на 2021 година. Зголемувањето на приходите се должи на зголемени приходи генерирани од домашниот пазар за 16 проценти и од странските пазари за 64 проценти.
Од компанијата информираат дека зголемените административни трошоци за 49 проценти, трошоци за продажба и маркетинг за 26 проценти и останатите оперативни расходи за 29 проценти резултирале со оперативна добивка од 232,3 милиони денари(3,7 милиони евра).
Минатата година „Тиквеш“ реализирал вложувања во материјални и нематеријални средства од 157,2 милиони денари(2,5 милиони евра).
.webp){kind=icon}
