.webp){kind=icon}
„Нестле“ (Nestlé SA) започнува со продажбата на својот лек за алергија од кикиритки, велат луѓе што се запознаени со ова прашање.
Швајцарската компанија работи со „Евркор“ (Evercore Inc) за да го измери интересот за лекувањето со „палфорзија“ (Palforzia), велат изворите, барајќи да не бидат идентификувани додека разговараат за доверливи информации.
Компанијата планира наскоро да испрати маркетиншки материјали, а првичните понуди се очекуваат во април, велат изворите. Лекот „палфорзија“ би можел да привлече интерес од фармацевтските фирми што сакаат да ги прошират своите пакети на третмани на алергии, како и од пошироките компании за здравствена заштита, велат изворите.
Размислувањата се во тек и уште не се донесени конечни одлуки за времето на каква било продажба. Претставниците на „Нестле“ и „Евркор“ одбија да коментираат.
„Нестле“ го купи производителот на „палфорзија“ во зделка од 2,6 милијарди долари во 2020 година. Купувањето го означи како еден од најголемите походи во здравството на главниот извршен директор Марк Шнајдер, откако ја презеде функцијата во 2017 година. Но Шнајдер започна стратегиски преглед на терапијата во ноември, велејќи дека нејзиното прифаќање не било доволно.
Алергијата на кикиритки е широкораспространета состојба. „Палфорзија“ во суштина е протеин од кикиритки што е спакуван во пилула. Со изложување на малите деца и со постепено зголемување на количествата на состојката, „палфорзија“ полека го зголемува нивниот праг на чувствителност.
