„Мермерен комбинат“ АД Прилеп лани оствари добивка по оданочување од 859,6 милиони денари (13,9 милиони евра), што е намалување за 5,7 проценти во однос на претходната година кога добивката на компанијата изнесувала 911,8 милиони денари (14,8 милиони евра), покажува билансот на успех на компанијата објавен преку Македонската берза.
Компанијата минатата година имала приходи од продажба во износ од 1,8 милијарди денари (30,4 милиони евра) што претставува зголемување за 0,82 проценти во однос на претходната година.
ЕБИТДА за 2022 година изнесува околу милијарда денари (17,6 милиони евра), што е помалку за 6,08 проценти во однос на 2021 година.
Оперативните расходи на компанијата лани се зголемиле за 8,41 проценти во однос на претходната година. Евидентирано е зголемување на трошоците за материјали и суровини за 32,95 проценти, а на расходите за вработени намалување за 5,06 проценти.
Трошоците за надворешни услуги се зголемени за 5,12 проценти, а трошоците за амортизација се намалени за 4,07 проценти во однос на 2021 година.
Од компанијата очекуваат 2023 година да биде период на позитивни оперативни и финансиски резултати.
.webp){kind=icon}
