„Кредит суис“ (Credit Suisse Group) го одложи објавувањето на својот годишен извештај и деталите за надомест за 2022 година, откако американскиот регулатор во последен момент отвори одредени технички прашања.
Заемодавецот со седиште во Цирих требаше да поднесе извештај во четвртокот наутро, но во последен момент добил повик од Комисијата за хартии од вредност (SEC) во средата вечер, се наведува во соопштението на банката. SEC имал коментари и прашања во врска со ревизиите што „Кредит суис“ ги изврши на извештаите за паричните текови поврзани со финансиската 2019 и 2020 година, како и поврзаните контроли, соопшти банката.
„Кредит суис“ ги потврди своите финансиски резултати за 2022 година, кои беа објавени на 9 февруари, додавајќи дека тие не се засегнати од техничките прашања на регулаторот. Ниту еден друг регулатор не е вклучен, изјави за новинарите шефот за односи со инвеститори Кинер Лакани.
Прашањата за претходните финансиски извештаи на банката доаѓаат во време кога цената на акциите на заемодавецот се движат близу рекордно ниското ниво.
Долгогодишниот главен акционер „Харис асошиејтс“ (Harris Associates) неделава соопшти дека излегува со својот удел во банката, а заемодавецот посочи дека годинава ќе забележи значителна загуба како резултат на широкото реструктурирање.
Банката не соопшти кога ќе ги објави извештаите и посочи дека раководството верува оти е „мудро да се одложи некое време“, додека не бидат во можност подобро да ја разберат природата на барањата на регулаторот.
Во својот годишен извештај за 2021 година, „Кредит суис“ посочи дека идентификувал „нематеријални“ сметководствени прашања поврзани со одредени активности за давање и позајмување хартии од вредност. Тоа доведе до голем број ревизии за финансиската 2020 година.
.webp){kind=icon}
Во моментов нема коментари за веста. Биди прв да коментира...