.webp){kind=icon}
Амар ал Кудаири, директорот на најголемиот акционер на „Кредит Суис“ (Credit Suisse), чии коментари неодамна предизвикаа стрмоглав пад на акциите на швајцарската банка, се повлече од својата позиција.
Саид Мохамед ал Гамди ќе го замени како извршен директор на Саудиската национална банка (Saudi National Banka), се вели во соопштението објавено во понеделникот.
Во изјава за „Блумберг“ (објавена претходно месецов), Ал Кудаири одговори „апсолутно не“ на прашањето дали Саудиската национална банка ќе остане отворена за дополнителни инвестиции во „Кредит Суис“ доколку се појави таква потреба.
Прочитај повеќе
Акциите на „Кредит Суис“ потонаа, главниот акционер рече „не“ за повеќе инвестиции
Акциите на швајцарската банка паднаа на најниско ниво досега, а нејзините кредитни распони се зголемија.
15.03.2023
Поради кризата, „Кредит Суис“ ќе земе 54 милијарди долари од централната банка
„Кредит Суис“ ќе добие заем од 50 милијарди швајцарски франци (54 милијарди долари) од централната банка на Швајцарија.
16.03.2023
УБС ја купува Кредит Суис со историски договор за крај на кризата
Најголемата швајцарска банка УБС во историски договор со посредство на Владата се согласи да го купи помалиот ривал „Кредит Суис“.
19.03.2023
Акциите на „Кредит Суис“ паднаа на најниско ниво од излегувањето на берзата, а кредитните распони скокнаа по неговите коментари. По ова, вредноста на акциите на повеќето европски банки падна, бидејќи инвеститорите веќе беа загрижени поради колапсот на неколку регионални банки во САД.
УБС (UBS Group AG) со посредство на државата се согласи да го купи „Кредит Суис“, а купувањето треба да спречи криза на довербата на светските финансиски пазари. УБС ќе плати три милијарди швајцарски франци (3,3 милијарди долари) за сите акции на својот поранешен ривал. Владата во договорот вклучи гаранции за обезбедување ликвидност.
Саудиска национална банка, во која државниот инвестициски фонд има удел од 37 отсто, се стекна со 9,9 отсто од акциите во „Кредит Суис“. Минатогодишната инвестиција во удел во швајцарскиот заемодавец ја чинеше Саудиската национална банка 1,4 милијарда франци.
