Терминалните пристаништа близнаци Лос Анџелес и Лонг Бич од вчера се затворени поради недостиг од работна сила, кој можеби е влошен поради долготрајните преговори со работниците.
Пристанишните терминали беа затворени од 17 часот по локално време поради недостиг од работна сила, според известувањата испратени до камионската заедница, кои ги прегледа „Блумберг“. Не е јасно кога ќе се отворат повторно.
Иан Веиланд, главен оперативен директор на логистичката компанија со седиште во Лонг Бич, „Џанкшн“ (Junction Collaborative Transports), го потврди затворањето во објава на Линкдин (LinkedIn).
Разговорите за нов работен договор за пристанишните работници од Западниот Брег започнаа минатиот мај, а затворањето во четвртокот дојде откако обемот на товарите нагло се намали во пристаништата во Јужна Калифорнија од највисоките нивоа пред една година.
Заканата за немири од страна на синдикатот ги поттикна трговците на мало, производителите и другите увозници да ги избегнуваат потенцијалните проблеми со превозот така што ја пренасочуваат стоката кон источниот брег и Мексиканскиот Залив.
Пацифичката поморска асоцијација, која ги застапува терминалните оператори и океанските превозници, одби да коментира. Меѓународната унија за терминални пристаништа и складишта (International Longshore and Warehouse Union), која претставува околу 22.000 пристанишни работници на Западниот Брег, не одговори веднаш на барањата за коментар.
.webp){kind=icon}
Во моментов нема коментари за веста. Биди прв да коментира...