.webp){kind=icon}
Акциите на „Сирус“ (Cirrus Logic Inc) денеска паднаа за 12 проценти бидејќи аналитичарите ги истакнаа ризиците за крајната долна линија на доставувачот на „Епл“ (Apple Inc) поради пријавената промена на дизајнот на ајфон 15 (iPhone 15).
Компанијата со седиште во Остин, Тексас, дури 88 проценти од приходите добива од „Епл“, покажуваат податоците за синџирот на снабдување собрани од страна на „Блумберг“.
Минг-Чи Куо, аналитичар во „ТФ Интернешнел секјуритис“ (TF International Securities Group), напиша дека поради нерешените технички проблеми пред масовното производство, моделите на врвната класа на ајфон 15 про (iPhone 15 Pro) ќе го напуштат внимателно набљудуваниот дизајн на копчињата во цврста состојба и ќе се вратат на традиционалниот физички дизајн на копчиња. „Оваа промена е особено неповолна за ’Сирус’ и кинеската ’ААЦ технологија’“, додаде тој.
Ставот го повтори и „Луп капитал“ (Loop Capital), кој напиша дека промената негативно ќе влијае на „Сирус“. Фирмата реагираше затоа што промените вака доцна „во играта“ често имаат подоцнежни и неочекувани влијанија врз другите компоненти.
Движење на цената на акциите на „Сирус“ / Bloomberg Mercury
И покрај денешниот пад, „Сирус“ и натаму бележи пораст од 21 отсто оваа година, а неодамна го затвори тргувањето на своите акции со највисоко ценовно ниво на сите времиња. Акциите на „Епл“, пак, денеска пораснаа за 0,7 отсто, со што нивниот раст од почетокот на годината достигна 24 проценти.
