Растот на продажбата на „Нестле“ (Nestle SA) неочекувано се забрза, бидејќи купувачите продолжија да трошат за производите на оваа компанија, дури и во услови кога производителот на „нескафе“ (Nescafe) дополнително ги зголеми цените.
Продажбата на оваа компанија во првото тримесечје годинава се зголеми за 9,3 проценти на органска основа, објави денеска производителот на познатите чоколади „киткет“ (KitKat). Аналитичарите очекуваа порастот на приходите да биде на ниво од 7,3 проценти. Ваквиот ритам на раст е благодат за Марк Шнајдер, кој се соочува со голем притисок во својата седма година како главен извршен директор на компанијата.
Акциите на „Нестле“ во изминатите 12 месеци паднаа за 8,9 проценти, бидејќи највисоката инфлација во последните децении ги зголеми трошоците за суровини и испорака.
Конгломератот за храна за домашни миленици, витамини и кафе ги задржа своите прогнози за раст на органската продажба оваа година помеѓу шест и осум проценти, исто како што ја задржа приспособената оперативна профитна маржа за тргување на ниво меѓу од 17 и 17,5 проценти.
.webp){kind=icon}
