„Јунајтед ерлајнс“ (United Airlines Holdings Inc.) соопшти дека планира да вработи 50.000 работници до 2025 година бидејќи авиопревозникот се шири на меѓународно ниво. „Компанијата со седиште во Чикаго очекува да пополни 15.000 работни места оваа година, откако за ист број го зголеми персоналот и во 2022 година“, информира денеска Џош Ернест, главен директор за комуникации на компанијата.
Авиокомпанијата не прецизира колкумина ќе бидат сместени на нови работни места наспроти тие што се ангажирани да ги заменат работниците што заминуваат во пензија. „Јунајтед ерлајнс“ планира да го прошири тимот на пилоти и механичари, заедно со вработени задолжени за технологија, кои се отпуштени од компании како „Амазон“ (Amazon.com Inc.) и „Гугл“ (Google).
Десетици илјади работници на авиокомпаниите ја напуштија индустријата или предвремено се пензионираа кога побарувачката за патувања опадна за време на пандемијата, поради што повеќето авиопревозници вработуваат од 2021 година наваму.
„Пилотите се главен приоритет и 'Јунајтед' треба да вработи околу 2.300 оваа година, што е еднакво на вкупниот број со кој располагаше во 2022 година“, рече шефот за човечки ресурси Кејт Гебо. Авиопревозникот сака да вработи и повеќе од 4.000 стјуардеси во текот на оваа година. Според корпоративниот план, ќе се вработат уште 7.000 авионски механичари и други техничари до 2026 година, бидејќи речиси половина од овој кадар исполнува услови за пензионирање во тој временски период.
.webp){kind=icon}
Во моментов нема коментари за веста. Биди прв да коментира...