.webp){kind=icon}
Nike целосно го напушта рускиот пазар, откако во март делумно ги намали активностите.
Светскиот најголем производител на спортска опрема ја прекина продажбата во Русија пред неколку месеци, како резултат на руската инвазија на Украина, образложувајќи им на купувачите дека компанијата не може да го гарантира пренесувањето на стока. Nike имаше повеќе од 100 продавници во Русија.
„Nike Inc. донесе одлука да го напушти рускиот пазар,“ изјави компанијата во денешното соопштение. „Наша должност е да се осигураме во тоа дека целосно ги поддржуваме нашите вработени, додека ги намалуваме нашите дејности во наредните месеци.“
Nike не информира за продажбата во Русија. Приходите од регионот на Европа, Средниот Исток и Африка за 2021 година изнесувале 11.5 милијарди долари или 26 отсто од вкупната продажба.
