Според претходните податоци на Државниот завод за статистика, во Северна Македонија, бројот на активни деловни субјекти во 2021 година изнесувал 72.922 и во однос на 2020 година е намален за 0,2 проценти.
Најголемо учество во структурата имаат секторите: трговија на големо и трговија на мало со 21.908 субјекти или 30 проценти и преработувачката индустрија со 7.943 субјекти или 10,9 проценти. Најмала застапеност имаат секторите: снабдување со електрична енергија, гас, пареа и климатизација (0,3 проценти), снабдување со вода; отстранување на отпадни води, управување со отпад и дејности за санација на околината (0,3 проценти) и рударство и вадење на камен (0,3 проценти).
Податоците за структурата на активните деловни субјекти според бројот на вработените покажуваат дека најголемо учество од 82 проценти имаат деловните субјекти со 1 до 9 вработени.
Потоа следат деловните субјекти без вработени или субјектите со неутврден број вработени (без податок за вработените) со 8,2 проценти, па субјектите со 10 до 19 вработени со 4,5 проценти, потоа субјектите со 20 до 49 вработени, чие учество изнесува 3 проценти, со 2 проценти учествуваат субјектите со 50 до 249 вработени и само 0,3 проценти од активните деловни субјекти имаат над 250 вработени.
.webp){kind=icon}
