Канадската компанија, „Линамар“ (Linamar Corporation), соопшти дека постигнала согласност за да го преземе бизнисот со батерии на добавувачот на системи за движење со седиште во САД, „Дура“ (Dura-Shiloh), вклучително и фабриката во Северна Македонија.
„Линамар“ ќе го преземе бизнисот, кој опфаќа и две фабрики во САД и Чешка, за 325 милиони долари (304,6 милиони евра). Сите три локации произведуваат напредни куќишта за батерии кои се употребуваат во електрични возила со батерии.
Преземањето се планира да заврши во третиот квартал на 2023 година, под услов дотогаш да заврши постапката за добивање дозвола од регулаторите.
„Линамар“ произведува лифтови, земјоделски машини и различни компоненти за возила. Има над 28.000 вработени во 66 производствени локации, 14 центри за истражување и развој и 28 канцеларии за продажба во 17 земји во Северна и Јужна Америка, Европа и Азија.
.webp){kind=icon}
Во моментов нема коментари за веста. Биди прв да коментира...