Индискиот конгломерат „Тата груп“ (Tata Group) потпиша договор со владата на државата Гуџарат за изградба на голема фабрика за производство на литиумјонски ќелии, со проценета почетна инвестиција од околу 130 милијарди рупии (1,6 милијарда долари).
„Тата агаратас“ (Tata Agaratas Energy Storage Solutions Pvt.), подружница на „Тата груп“, во петокот потпиша меморандум за разбирање за основање фабрика за батерии за електрични возила, која ќе има производствен капацитет од 20 гигават-часа, што ќе генерира директно и индиректно вработување за повеќе од 13.000 луѓе, пишува во владиниот документ, објавен на нејзината интернет-страница.
Индискиот премиер Нарендра Моди работи на тоа за најмногубројната нација во светот да направи јаглеродна мрежа со нула емисија до 2070 година. Сепак, Индија заостанува зад земјите како Кина и САД во прифаќањето електричен транспорт.
Фабриката на „Тата“ ќе го направи Гуџарат лидер во производството на литиумски батерии и групацијата ќе добие помош за воспоставување производствен екосистем во државата, соопшти државната влада. Претставник на „Тата груп“ одби да коментира.
Одлуката на „Тата груп“ доаѓа во време кога нејзината единица „Јагуар ленд ровер“ (Jaguar Land Rover) размислува да отвори голема фабрика за електрични батерии во Британија. Како што објави „Блумберг“ во мај, „Тата“ фаворизира фабрика во Англија пред Шпанија, откако владата на Обединетото Кралство понуди пакет за поддршка.
.webp){kind=icon}
