.webp){kind=icon}
Сергеј Самсоненко се стекнал со 2.469 обични акции со право на глас издадени од „Жито Полог“ АД Тетово и сега поседува вкупно 11.119 обични акции, што претставува 19,86 проценти од вкупниот број издадени акции на друштвото, информираа од компанијата преку Македонската берза.
Оттаму додаваат дека акционерот Златко Пирузе продал 6.417 обични акции со право на глас издадени од „Жито Полог“ АД Тетово и дека веќе не поседува обични акции издадени од друштвото.
„Друштвото за реклама, маркетинг, трговија и услуги „Лид комјуникејшнс“ДОО Скопје стекна сопственост на 6.417 обични акции со право на глас издадени од „Жито Полог“ АД Тетово, што претставува 11,46 проценти од вкупниот број на издадени акции на друштвото“, информираа од компанијата.
Исто така, акционерот „АС Сењак“ продал 2.469 обични акции со право на глас издадени од „Жито Полог“ АД Тетово и сега поседува вкупно 7.679 обични акции со право на глас, што претставува 13,71 проценти од вкупниот број издадени акции на друштвото.
