УБС (UBS Group AG) постигна договор со швајцарската влада за покривање на загуби од девет милијарди швајцарски франци (9,9 милијарди долари) што компанијата би можела да ги претрпи од спасувањето на „Кредит Суис“ (Credit Suisse Group AG), со што се расчистува голема пречка во завршувањето на историското преземање.
Договорот меѓу банката и владата е потпишан на 9 јуни и ќе опфати специфично портфолио од средства на „Кредит Суис“, што одговара на три отсто од комбинираните средства на споената банка, се наведува во владиното соопштение од петокот.
Договорот отстранува една од последните пречки за преземање на банката во вредност од 3,3 милијарди долари, за кое во март посредуваше и владата, додека „Кредит Суис“ паѓаше кон банкрот. УБС побара заштита од загуби кои тешко може да се предвидат за дел од имотот на „Кредит Суис“ што планира да го укине или продаде. Швајцарската банка неодамна објави дека договорот би можел да биде финализиран веќе во понеделник. По склучувањето, договорот ќе создаде финансиски гигант кој е двојно поголем од швајцарската економија.
Прочитај повеќе
УБС комплетно ќе ја преземе „Кредит Суис“ до 12 јуни
По завршувањето, акциите на „Кредит Суис“ ќе бидат отстранети од швајцарската берза SIX на 13 јуни и од Њујоршката берза на 12 јуни.
05.06.2023
УБС го реорганизира раководството по преземањето на „Кредит Суис“
УБС ќе го смени својот главен финансиски директор како дел од пошироката реорганизација на својот менаџерски тим.
09.05.2023
Фрчат тужби од сопствениците на обврзници AT1 на „Кредит Суис“
Уште стотици сопственици на обврзници на „Кредит Суис“ го тужат швајцарското банкарско регулаторно тело.
03.05.2023
„Кредит Суис“ обвинета за попречување на истрага за сметки на нацистите
Американски сенатори ја обвинија банката за попречување на истрага во однос на сервисирање на нацистички клиенти.
19.04.2023
Претседателот на „Кредит Суис“ искрено жали за неуспехот
Претседателот на „Кредит Суис“, Аксел Леман, им се извини на акционерите за неуспехот да го спречи губењето на довербата во банката.
04.04.2023
Според условите на договорот, УБС ќе ги апсорбира првите пет милијарди франци загуби, а владата ќе се вклучи за да ги апсорбира следните девет милијарди франци. Портфолиото на средства вклучува првенствено заеми, деривати, резидуални средства и структурирани производи од единицата на „Кредит Суис“ која не е клучна, соопшти владата.
.webp){kind=icon}
