Компанијата „Волт Дизни“ (Walt Disney) во вторникот го ажурираше распоредот на филмови и откри дека откажала некои големи наслови дури за три години.
Третиот дел од „Аватар“ е преместен во декември 2025 година од претходниот датум, кој беше во декември 2024 година. Другите две продолженија на „Аватар“ се поместени за три години, во 2029 и 2031 година.
Два претстојни филма од франшизата „Одмаздници“ (Avengers) на „Марвел“, вредна повеќе милијарди долари, се одложени за една година, до мај 2026 и мај 2027. Следниот филм од „Војна на ѕвездите“ (Star Wars) е одложен за една година, до мај 2026-та. „Дизни“ нема издадено ниту еден филм „Војна на ѕвездите“ од 2019 година.
Прочитај повеќе
Почувствувајте го духот на минатото преку филм
Кога дигитализацијата ќе разбуди добри стари незаборавни филмови од минатиот век.
21.04.2023
Саиди: „Вардар филм“ ќе стане модерен филмски центар
Од вкупно околу 500 филма од опусот на „Вардар филм“, досега се дигитализирани 133.
21.04.2023
Холивудските сценаристи на штрајк, многу серии може да бидат одложени
Сценаристите на некои од најпопуларните серии и емисии од Холивуд од вторник нема да бидат на своите работни позиции.
02.05.2023
Од компанијата не ја наведоа причината за доцнењето. Извршниот директор Боб Ајгер се обидува да извлече поголем профит од бизнисот, вклучувајќи и намалување на трошоците за содржина. Штрајкот на сценаристите во САД, кој започна на 2 мај, ја паузираше продукцијата на многу големи ТВ-серии и филмови и ги доведе во ризик од одложување. Некои се целосно откажани.
„Се чини дека ниту еден анимиран филм произведен од ’Пиксар’ (Pixar) или ’Дизни’ (Disney) не е засегнат“, истакна Кевин Нир, аналитичар во „Блумберг интелиџенс“. „Тие можеби само ја преиспитуваат стратегијата околу некои од нивните најпопуларни франшизи“, рече тој.
Одложувањата се несакана вест за кината, кои се очајни за повеќе филмови за да ги привлечат гледачите да се вратат пред филмското платно. „Аватар: Патот на водата“ (Avatar: The Way of Water), вториот филм во универзумот Нави (Na'vi) на режисерот Џејмс Камерон, беше објавен во декември. Насловот стана филм со најголема заработка на сите времиња, со продажба на билети во вредност од 2,3 милијарди долари.
Џон Ландау, продуцентот на филмовите „Аватар“, во вторникот твитна дека за филмови со таков квалитет е потребно време.
Но некои на социјалните мрежи се прашуваа што може да трае толку долго.
„’Аватар 5’ во 2031 година? Тоа не е реална година“, твитна страницата за поп-култура „Мери Сју“ (Mary Sue). „Тоа е година во која се случува дејството на научнофантастичните филмови“.
Акциите на „Дизни“ поскапеа за околу 1 процент, на 93,99 долари, во 15.02 часот во Њујорк.
.webp){kind=icon}
