До Комисијата за заштита на конкуренцијата (КЗК) деновиве е доставено известување за концентрација која се однесува на стекнување самостојна контрола од страна на „Алма Кариер“ од Финска над друштвото за услуги „Вработување онлајн“ од Македонија.
Финската компанија е дел од „Алма Медиа“, меѓународна групација која обезбедува дигитални и медиумски услуги.
„Во матичната држава Финска, деловните активности на групацијата вклучуваат маркетплејс онлајн платформи за домување и возила, финансиски и професионални медиуми, медиуми за широки спектари на клиенти, како и содржини и услуги поврзани со податоци наменети за професионалци и деловни потфати. Во Источна и Централна Европа, Шведска и во Балтичките држави, „Алма Медиа“ спроведува деловни активности поврзани со услуги од областа на вработувањето и онлајн маркетплејс за комерцијални објекти“, информираа од КЗК.
„Алма Медиа“ е присутна во 11 држави во Европа и вработува над 1.700 лица. Акциите на „Алма Медиа“ котираат на берзата НАСДАК (NASDAQ) во Хелсинки.
Деловните активности на „Алма Кариер“ опфаќаат консултантски услуги од областа на регрутирањето вработени, услуги за објава на слободни работни места, следење на апликации за работа, брендирање на работодавачи, технолошки системи и услуги од областа на работните односи, активности поврзани со саеми за вработување, едукативни системи и услуги, како и услуги поврзани со ангажирање на вработени.
Друштвото за услуги Вработување онлајн“ е основано во 2017 година и е со приоритетна дејност - интернет портали.
Од КЗК информираат декаосновна деловна активност на „Вработување онлајн“ е објавување на слободни работни места преку платформата www.vrabotuvanje.com.mk.
„Исто така друштвото спроведува активности поврзани со виртуелни саеми за вработување, брендирање на работодавачи, обработка и објавување на податоци за плати преку платформата www.mojaplata.mk, како и активности за истражување на задоволство на вработени преку платформата pulser.mk“, соопшти КЗК.
.webp){kind=icon}
