.webp){kind=icon}
Главниот извршен директор на Дојче банк (Deutsche Bank), Кристијан Севинг, рече дека тргувањето со обврзници треба да доживее подобрување во втората половина од годината, откако САД го решија проблемот со јавниот долг и клиентите се снаоѓаат во економските услови, кои остануваат сложени и предизвикувачки.
Тој очекува и каматните стапки да останат високи уште долго време.
По минатонеделната најава за пад од 15 до 20 отсто на приходите од трговските активности во овој квартал, Севинг посочи дека месецов ситуацијата се подобрува и дека втората половина од годината треба да донесе закрепнување.
„Веќе можеме да видиме дека во последните денови има одреден импулс... Трговците треба да видат мало закрепнување во остатокот од годината“, изјави Севинг за ТВ Блумберг (Blooombeg TV).
Цената на акциите на банката е сè уште ниска
Bloomberg Mercury
Зголемените каматни стапки ги поддржуваат приходите во деловните области на банката фокусирани на кредитирање на домаќинствата и компаниите.
Според Севинг, каматните стапки би можеле да се зголемат повеќе отколку што многу луѓе во моментов очекуваат и да останат на тоа високо ниво долго време, поради упорната инфлација.
Дојче банк се бори со трошоците поради притисоците врз растот на платите и високите трошоци за недвижности, како и поради зголемените судски трошоци.
