.webp){kind=icon}
500-те најбогати луѓе во светот додадоа 852 милијарди долари на своето богатство во првата половина на 2023 година.
Секој член на индексот на милијардери на „Блумберг“ додавал во просек по 14 милиони долари дневно на своите сметки во изминатите шест месеци, покажуваат податоците собрани од „Блумберг“. Ова беа најдобрите шест месеци за милијардерите од втората половина на 2020 година, кога економијата закрепна по падот предизвикан од Ковид.
Добивките се совпаднаа со растот на берзите, бидејќи инвеститорите ги отфрлија ефектите од зголемувањето на каматните стапки на централните банки, војната во Украина и кризата во регионалните банки. Стандард и Пурс 500 индексот порасна за 16 отсто, а Насдак 100 се зголеми за 39 отсто во својата најдобра прва половина, бидејќи манијата на инвеститорите околу вештачката интелигенција ги зголеми вредностите на технолошките акции.
Додека Илон Маск и Марк Закерберг се расправаат околу закажувањето натпревар во кафез, извршниот директор на „Тесла“ се искачи на на врвот на листата. Маск, најбогатиот човек на светот, додаде 96,6 милијарди долари на својата нето вредност оваа година, до 30 јуни, додека извршниот директор на „Мета Платформс“ Закерберг заработил 58,9 милијарди долари.
Bloomberg
Нето вредноста на Гаутам Адани потона најмногу во период од шест месеци, со загуба од 60,2 милијарди долари. Адани, претседател на „Групацијата Адани“, исто така ја објави најголемата еднодневна загуба, губејќи околу 20,8 милијарди долари на 27 јануари откако американската истражувачка компанија „Хинденбург Рисрч“ го обвини неговиот конгломерат за сметководствена измама и манипулација со акции - што Адани го негираше.
Компанијара „Хинденбург“, основана од Нејт Андерсон, исто така ја намали нето-вредноста на уште еден милијардер: Карл Ајкан. Неговата компанија го претрпе најголемиот пад во еден ден откако „Хинденбург“ откри дека вредноста на нејзините акции е значително преценета. Нето богатство на Ајкан падна за 13,4 милијарди долари или 57 отсто - најголем процентен пад од кој било член на индексот на милијардери на „Блумберг“
Bloomberg
За Маск, добивката од богатството се прелеа и во јули кога акциите на „Тесла“ се зголемија за 6,9 отсто на берзите во Њујорк во текот на вчерашното тргување, додавајќи дополнителни 13 милијарди долари на неговото богатство.
