„Неко Хелт“, компанија за медицинска дијагностика, кооснована од извршниот директор на „Спотифај“ (Spotify Technology SA0, Даниел Ек, собра 60 милиони евра (65,4 милиони американски долари) капитал за да се прошири надвор од својата матична земја Шведска.
И ко-основачот на „Скајп“, Никлас Зенстром, ќе се приклучи на одборот на компанијата, а дел од неа ќе биде и фирмата „Лејкстар“ која ја предводеше инвестицијата во раната фаза. Учествува и „Џенерал Каталис“со седиште во Пало Алто.
„Поминав повеќе од 10 години истражувајќи го неискористениот потенцијал на иновациите во здравството“, рече Ек во изјавата пред објавувањето во среда. „Ние сме посветени на изградба на систем за здравствена заштита кој е фокусиран на превенција и грижа за пациентите, со цел да им служи не само на нашата генерација, туку и на оние што доаѓаат“.
„Неко Хелт“ има приватни клиники опремени со сопствени и стандардни дијагностички производи, од кои најпознат е сопствениот 3Д скенер за цело тело. Вклучува десетици сензори кои, во комбинација со софтверот за вештачка интелигенција на компанијата, можат да дадат моментални резултати за потенцијалните заболувања на кожата, како што се бенките, како и предупредувачки знаци поврзани со кардиоваскуларното здравје.
Bloomberg
Првата клиника на компанијата беше отворена во февруари во Стокхолм. Пациентите плаќаат 250 евра за преглед на цело тело кој трае од 10 до 20 минути, а потоа следи лекарски преглед. Компанијата изврши повеќе од 1.000 скенирања од лансирањето, но Хјалмар Нилсон, другиот коосновач на компанијата, вели дека уште илјадници се на листата на чекање. Приближно 80 отсто од клиентите однапред платиле дополнителни прегледи за една година.
„Имаме свои медицински сестри, лекари и специјалисти“, рече во интервју Нилсон кој е и извршен директор на „Неко“. „Имаме вработени дерматолози само да ги прегледуваат сликите на кожата. Имаме лекар на лице место кој може да обезбеди квалификувана медицинска проценка за сè што ќе се појави“.
Ковид-19 беше благодет за компании стартапи од областа на телездравство, бидејќи пациентите бараа виртуелна грижа од безбедноста на нивните домови. Но, „Неко“ засега ќе се фокусира на проценка во клиниката, со медицински професионалци на лице место за да ги испитаат и советуваат клиентите за резултатите, рече Нилсон.
„Доаѓам од семејство на лекари“, рече тој. „Мојот дедо ја имаше својата клиника овде во Стокхолм пред повеќе од сто години, и двајцата мои родители се доктори и професори, а мојот најстар брат е лекар и невролог. Ова е светот во кој пораснав“.
Тој објасни и како дошла идејата за овој бизнис.
„Ден размислуваше за тоа „како можам да направам нешто добро за светот?“ - изјави Нилсон. „Беше 2018 година и немаше план што навистина да правиме, но почнавме да разговараме и тој рече „знаеш, навистина треба да направиме нешто во здравството“.
Нилсон рече дека дополнителната инвестиција ќе оди за изградба на клиники во други земји низ Европа. Страницата за кариера на веб-страницата на компанијата на 3 јули вклучуваше слободно работно место за доктор во Лондон, чии главни одговорности вклучуваат „управување со процесот на отворање приватна медицинска клиника“.
.webp){kind=icon}
Во моментов нема коментари за веста. Биди прв да коментира...