„Халк банка“ ќе се докапитализира со нова, дваесетта, емисија на акции, во вкупна вредност од 30 милиони евра. Комисијата за хартии од вредност донесе решение со кое на „Халк банка“ АД Скопје ѝ даде одобрение за издавање на овие долгорочни хартии од вредност.
Со дваесеттата емисија на акции, банката ќе издаде 184.500 обични акции со номинална и продажна вредност од 10.000 денари по акција, со вкупен износ на емисијата од 1.845.000.000 денари (30 милиони евра).
„Зголемувањето на основната главнина со нови парични влогови се врши за познат купувач – институционалниот инвеститор ’Халк банка А.Ш. Турција’, со седиште во Истанбул, Турција. Банката издава нови акции заради зголемување на капиталот и обезбедување оптимална адекватност на капиталот во наредниот период“, се наведува во објавата на Комисијата за хартии од вредност.
Пред реализацијата на оваа емисија, а во согласност со извештајот за работата на банката за минатата година, основната главнина на „Халк банка“ изнесува 11.001.910.000 денари, поделена на вкупно 1.100.191 обична акција со право на глас, со номинална вредност од 10.000 денари по акција.
Банката има вкупно 11 акционери, од кои пет физички лица и шест правни лица. Акционер со учество над 5 отсто од акциите со право на глас е „Халк банкаси А.Ш.“ од Истанбул, кој заклучно со лани поседувал вкупно 1.095.405 обични акции, односно 99,56 отсто од вкупниот број на акции.
Во текот на минатата година банката оствари добивка по оданочување во износ од 742.651 илјада денари или 12,1 милиони евра.
„Халк банка“ / Финансиски извештај
Вкупната актива на банката на 31 декември 2022 година изнесуваше или 1,4 милијарди евра, што е за 15,3 проценти или за 181,4 милиони евра повеќе од крајот на 2021 година.
.webp){kind=icon}
Во моментов нема коментари за веста. Биди прв да коментира...