Пазарната вредност на „Епл“ сега е далеку под историското ниво од три трилиони долари, откако изгледите за четвртиот квартал на производителот на „Ајфон“ покрена загриженост за слабата побарувачка за неговите телефони и другите гаџети.
Акциите на компанијата со седиште во Калифорнија паднаа за 4,8 отсто во петокот, што и ја намали пазарната капитализација на околу 2,85 трилиони долари. Дневниот пад, најголем, од септември, претставуваше пад на пазарната вредност од повеќе од 160 милијарди долари. Во јуни „Епл“ стана првата компанија со вредност од три трилиони долари.
Bloomberg
Во својот извештај, „Епл“ објави трет последователен квартал на пад на продажбата и предвиде слични перформанси во тековниот период.
„Розенблат Секјуритис“ (Rosenblatt Securities) го намали рејтингот на акциите на неутрални, велејќи дека мешаниот извештај „ја нагласува фазата на забавување во која „Епл“ сега се наоѓа“. Иако бизнисот со услуги на компанијата се забрзува, „се чини дека забавувањето во САД веројатно ќе трае додека не се појави значителна категорија на нови производи“. Аналитичарот Бартон Крокет ја гледа перспективата како „неизвесна во однос на времето и успехот, оставајќи малку причини да се фаворизираат акциите кои сега се тргуваат блиску до апсолутни и релативни множители“.
Реакциите на резултатите на компанијата не беа подеднакво негативни, а во „Сити“ се оптмисти за тоа што е следно. Компанијата го стави „Епл“ на 90-дневно набљудување пред очекуваното објавување на серијата „Ајфон 15“ во септември.
И покрај дневниот пад, „Епл“ останува во плус 40 отсто оваа година. Сепак, падот во петокот значи дека акцијата се затвори под својот 50-дневен просек за прв пат од јануари.
.webp){kind=icon}