.webp){kind=icon}
Акциите на „Сони“ (Sony Group Corp.) паднаа откако групацијата за електроника и забава предупреди на одложено закрепнување на пазарот на паметни телефони и откако објави финансиска прогноза што не ги исполни очекувањата.
Цената на акцијата на „Сони“ падна дури за 6,7 отсто за време на тргувањето во четвртокот наутро во Токио, најголем дневен пад во една година.
Клучниот снабдувач на фотосензори за „Епл“ (Apple Inc.) и другите производители на уреди посочи дека не очекува побарувачката на пазарот на мобилни телефони да закрепне најрано до следната година, поради бавниот раст на побарувачката во Кина и во САД. „Сони“ претходно изјави дека очекува закрепнување на продажбата на телефони низ светот во втората половина од годината.
Оперативните приходи на компанијата со седиште во Токио паднаа за 31 отсто во првиот фискален квартал, поради остриот пад во секторите за филмски и фотосензори. Нето-приходот падна за 17 отсто, дури и кога приходот се зголеми за 33 отсто.
„Заработката падна во филмскиот сектор и во сферата на полупроводници“, напиша аналитичарот на „Ситигруп“ (Citigroup Inc) Кота Езава во белешката до инвеститорите.
„Сони“ малку ја зголеми својата прогноза за нето-приходот, за два отсто, на 860 милијарди јени (6 милијарди долари) за фискалната година, што е поблиску, но сепак под процените на аналитичарите. Прогнозата на компанијата е намалена поради помалите очекувања во секторите за фотосензори и филм. Според компанијата, штрајковите на сценаристите и актерите во Холивуд најверојатно ќе резултираат со помала продажба поради доцнењето на премиерите на филмовите и ТВ-сериите.
Акциите на компанијата годинава се зголемија за 29 отсто, до средата. Тие сè уште се во плус за повеќе од 20 отсто по падот во четвртокот
Bloomberg
Јапонската компанија исто така посочи дека продажбата на нејзиниот водечки производ, плејстејшн 5 (PlayStation 5), била послаба од очекуваното во кварталот април-јуни, што ја зголеми загриженоста дека компанијата ќе треба да инвестира повеќе во маркетинг за да ја исполни својата цел да продаде 25 милиони единици оваа фискална година.
„Сите очи сега се вперени во тоа како 'Сони' може да ги зголеми претплатниците на плејстејшн и на лансирањето на 'Спајдермен' наесен. Таа игра апсолутно мора да ги оправда очекувањата, со цел 'Сони' да ја преброди празничната сезона и да влезе во 2024 година“, рече индустрискиот аналитичар Серкан Тото, осврнувајќи се на ексклузивната игра за ПС5, „Марвел Спајдермен 2“ (Marvel's Spider-Man 2), која ќе биде објавена на 20 октомври.
„Сони“ ги засили своите содржини во последниве години, иако најголемите летни хитови беа од конкурентите - од „Диабло 4“ на „Активижн Близард“ (Activision Blizzard Inc.) до „Барби“ на „Ворнер брос“ (Warner Bros. Pictures), филм за кој „Сони“ претходно ги имаше правата.
„Компанијата очекува раст во сегментот на содржината на среден и долг рок, но неизвесностите се зголемуваат на краток рок поради геополитичките и макроекономските ризици“, изјави Хироки Тотоки, извршен директор на „Сони“.
Акциите на компанијата годинава се зголемија за 29 отсто, до средата. Тие сè уште се во плус за повеќе од 20 отсто по падот во четвртокот.
