.webp){kind=icon}
„ МТН Груп “(MTN Group Ltd), најголемиот африкански мобилен оператор, објави дека „Мастеркард“ (Mastercard) се согласил да преземе малцински удел во нивниот бизнис со финансиска технологија, кој тие го проценуваат на 5,2 милијарди долари, изјави во понеделникот главниот извршен директор на „МТН“, Ралф Мупита.
Младата технолошка популација во Африка се повеќе ги користи своите мобилни телефони за да ги надомести празнините во банкарските услуги. Ова отвори профитабилен простор за мобилните оператори да растат во финтек секторот. Голем дел од фокусот досега беше ставен на системите за мобилно плаќање, со бранот на брзорастечки стартапи, вклучувајќи ги „Фкутерваве“(Flutterwave) и „Интерсвич“(Interswitch), кои го зајакнуваат своето местото во индустријата.Конкуренцијата на „МТН“ вклучувајќи ги „Аиртел Африка“(Airtel Africa) со седиште во Најроби и „Водоком Груп“ (Vodacom Group) од Јужна Африка, исто така се во различни фази на трансформација од основни услуги за мобилни телефони во дигитални плаќања. „Аиртел “ веќе ја донесе „Мастеркард“ како инвеститор во својата единица за мобилни плаќања.
Depositphotos
Индиската „Јио Платформс“(Jio Platforms), во сопственост на милијардерот Мукеш Амбани, постави преседан со собирање капитал од „Фејсбук и „Силвер Лаке Партнерс “(Silver Lake Partners) во 2020 година. „МТН“ претходно соопшти дека планира да собере 25 милијарди ранд (1,3 милијарди долари) од продажбата на имотот.
Нивната последна распродажба вклучува продажба и закуп на кули за мобилни телефони во Јужна Африка и план за продажба на делови од имотот на Западна Африка.Тие исто така имаат удел во „ИХС Холфинг“ (IHS Holding) што би можеле да го продадат, иако ниската цена на акциите на таа компанија и спорот за управување ја одложија секоја продажба на краток рок.
