.webp){kind=icon}
Македонската компанија „Реплек“ го доби сертификатот EUGMP (Good manufacturing practice) од Европската агенција за лекови (ЕМА) по четврти пат, што, според компанијата, е потврда за квалитетот на производите во согласност со највисоките стандарди на Европската Унија. Од друга страна, овој сертификат е услов за влез на пазарот на ЕУ, но истовремено е исклучително важен и за пласман на другите пазари и во земји што не се дел од Унијата.
Компанијата во првата половина од годинава има раст на продажбата на странски пазари од над 40 отсто, а продажбата порасна и на домашниот пазар. Растот на странските пазари продолжува и во втората половина од годината.
„Како извозна компанија што над 80 отсто од продажбата остварува на странски пазари, овој сертификат е ’пасош’ за нашите производи. Стратегија на компанијата не е само зајакнување на позициите туку и унапредување на нашето портфолио, со што ќе креираме дополнителна вредност. Ги имаме сите услови за тоа, а резултатите што ги остваруваме покажуваат дека се движиме во вистинската насока“, изјави Душан Пецовски, генерален директор на „Реплек“.
EUGMP – Good manufacturing practice е фармацевтски стандард воспоставен од Европската агенција за лекови, кој ги дефинира производствените процедури за фармацевтски производи, со што сите лекови што се продаваат на пазарите во ЕУ задолжително мора да ги исполнуваат критериумите пропишани со стандардот.
„Ова е потврда дека нашето производство испорачува квалитетен производ со исти перформанси како во која било друга компанија во ЕУ. Ова е еден од највисоките и најстроги стандарди, а процесот на негово добивање е детален и многу строг. Ние успешно ги поминавме сите скалила, што е потврда за високата стручност на целиот тим на компанијата“, изјави Марјан Велковски, оперативен директор на „Реплек“.
Во согласност со својата стратегија, компанијата продолжува да инвестира во имплементација на иновации, модернизација и трансформација, со што се пресретнуваат најновите трендови во фармацијата. „Реплек“ е присутна на пазарите во Европската Унија, регионот Адрија, како и на пазарите во Централна и Југоисточна Азија, а некои од производите од фармацевтската програма се едни од најпродаваните на одделни пазари, што е директна потврда за препознавањето на нивниот висок квалитет.
