Компанијата „Флутер ентертејнмент“ (Flutter Entertainment) објави дека за 141 милион евра за почеток ќе купи удел од 51 отсто од акциите на „Максбет“ (MaxBet), вториот по големина оператор за спортско обложување и приредување игри на среќа во Србија.
„Флутер“ има можност да стане и апсолутен сопственик, односно да стекне удел од уште 49 отсто до 2029 година.
Како што се наведува во соопштението на компанијата „Флутер ентертејнмент“, „Максбет“ ќе му овозможи на „Флутер“ пристап до брзорастечките пазари преку препознатлив бренд, што отвора можност за забрзан раст и позиционирање во балканскиот регион.
Оваа аквизиција на „Максбет“ е целосно во согласност со клучните стратегиски критериуми на „Флутер“, објави компанијата.
Главната предност од купувањето на вториот по големина оператор за спортско обложување во Србија е брзиот раст на компанијата на исто толку брзорастечкиот српски пазар.
Во последните пет години пазарот на онлајн обложување во Србија расте со стапка од 25 проценти, а во текот на изминатите 12 месеци, заклучно со јуни 2023 година, „Максбет“ оствари приходи од 145 милиони евра, од кои 44 милиони се од онлајн работењето, со усогласена ЕБИТДА од 32 милиони евра, се наведува во соопштението.
Во него се додава и дека Србија е атрактивен регулиран пазар, кој во 2022 година вредеше 700 милиони евра, со релативно ниско учество на онлајн обложувањето од околу 35 проценти. Очекуваниот годишен раст на тој сегмент до 2025 година е приближно 15 проценти.
.webp){kind=icon}
