.webp){kind=icon}
Кинеската „Евергранд груп“ (Evergrande Group) соопшти дека нејзиниот претседател милијардер Хуи Ка Јан е осомничен дека извршил криминални дела, зголемувајќи ја правната опасност за тајкунот чиј задолжен конгломерат за недвижности ги оптовари инвеститорите, сопствениците на куќи и добавувачите, со загуби тешки милијарди.
Властите го известиле „Евергранд“ дека Хуи е подложен на „задолжителни мерки“, поради „сомнение за незаконски здела“, се вели во соопштението на компанијата до берзата во Хонгконг од четвртокот. Не се образложува што подразбираат мерките или какви злосторства извршил тој. Акциите на компанијата ќе останат запрени на неодредено време, посочија од „Евергранд“.
Објавата доаѓа еден ден откако луѓе запознаени со ова прашање за „Блумберг њуз“ изјавија дека Хуи бил одведен од кинеската полиција на почетокот на овој месец и ставен под т.н. резиденцијален надзор, еден вид полициска процедура што е на пониско ниво од формален притвор или апсење. Додека деталите за наводите против Хуи остануваат нејасни, властите претходно месецов приведоа дел од персоналот во огранокот за управување со богатството на „Евергранд“. Единицата на 31 август соопшти дека не може да плаќа за производите што ги поседуваат поединечни инвеститори поради кризата со ликвидноста.
Прочитај повеќе
Основачот на една од најголемите градежни компании во Кина е под полициски надзор
Хуи Ка Јан, милијардер и член на управниот одбор на „Евергранд “, е ставен под полициски надзор.
27.09.2023
Кинеската „Евергранд“ поднесе барање за заштита од банкрот во Њујорк
Гигантот за недвижности во четвртокот поднесе барање за заштита од банкрот по поглавјето 15 во Њујорк.
18.08.2023
Bloomberg Mercury
Забрзаниот пад на Хуи создава нова неизвесност за судбината на „Евергранд“ откако неуспесите на неговиот план за реструктуирање во последниве денови ги разбрануваа пазарите и го зголемија ризикот од ликвидација. Исто така, ова фрла уште една сенка врз загрозениот кинески пазар на недвижности, кој се движи кон клучниот продажен период од празничната Златна недела. Тоа веројатно ќе предизвика вознемиреност кај другите кинески градежни тајкуни, од кои многумина се соочуваат со слични тешки финансиски проблеми. Хуи беше еден од политички најповрзаните богаташи во земјата и меѓу најбогатите луѓе во Азија во 2017 година, пред претседателот Шји Џинпинг да ја започне својата кампања за зауздување на кинеската индустрија за недвижности.
Статусот на Хуи под резиденцијален надзор значи дека тој не може да ја напушти локацијата одредена од полицијата, да се среќава или да комуницира со други без одобрение, врз основа на кинескиот Закон за кривична постапка. Пасошите и личната карта мора да се предадат на полицијата, но процесот не треба да биде подолг од шест месеци, според законот.
Задолжителните или присилните мерки наведени во изјавата на „Евергранд“ можат да бидат во неколку форми, вклучувајќи покана, ослободување со кауција и надзор во домот, притвор и апсење, според процедуралниот закон. Мерките може да ги спроведува полицијата, судовите или обвинителството.
Меѓу другите луѓе кои неодамна беа приведени е и Питер Ксу, еден од синовите на Хуи, објави „Чајна бизнис њуз“ (China Business News).
Евергранд се наоѓа во центарот на долгогодишната имотна криза што ѝ наштети на кинеската економија и ја загрози довербата на пазарот за домување. Минатата недела, инвеститорот порача дека ги укинува клучните состаноци на доверителите и мора повторно да го разгледа планот за реструктуирање на својот офшор долг. Оттогаш, откри дека не може да ги исполни регулаторните квалификации за издавање нови обврзници - клучна компонента за ремонт на долгот - додека единица на копното не успеа ја да отплати континенталната обврзница.
