Антони Пешев е предложен за независен член на Надзорниот одбор на Стопанска банка Битола. Предлогот до Собранието на акционери го доставија Трајан Масалковски и друштвото за проектирање, производство, трговија и услуги „Форми Јорго“ ДООЕЛ Битола.
„Предлогот за номинација на Пешев го темелиме на неговото богато професионално искуство, кариерен развој во различни области од општествено-економското опкружување со потврдено значење и репутација. Сметаме дека номинираниот кандидат со своето знаење и искуство ќе придонесе за успешна работа на Надзорниот одбор на Стопанска банка Битола“, се наведува во дописот со кој Пешев се предлага за член на НО на банката.
Двајцата предлагачи на Пешев поседуваат 5,25 отсто од вкупниот број на акции со право на глас во сопственичката структура на банката. Трајан Масалковски поседува 19.501 акција со право на глас, а друштвото „Форми Јорго“ 1.000 акции со право на глас.
Прочитај повеќе
Ретка можност за „брак“ меѓу македонски банки, колку кеш ќе чини?
„Комерцијална банка“ подолго време е гладна за раст. Прашање е дали по „утката“ со „Еуростандард банка“, ќе ја земе „Стопанска банка“ АД Битола?
02.10.2023
Миле Зечевиќ поднел оставка од Надзорниот одбор на Стопанска банка Битола
Со последните измени на статутот на банката бројот на членови на Надзорниот одбор е намален од седум на пет лица
28.09.2023
Во два блока продадени над 10.000 акции од Стопанска банка Битола за 435.000 евра
Во двата блока акциите беа продадени по цена од 2.600 денари за акција, што е под номиналната вредност на акцијата на „Стопанска банка“ АД Битола која изнесува 3.000 денари.
27.09.2023
Можно присоединување на Стопанска банка Битола кон Комерцијална банка
Во оваа рана фаза постапката не претставува намера за присоединување и во ниту еден аспект нема обврзувачки карактер
26.09.2023
Местото независен член на Надзорниот одбор на банката остана празно откако Миле Зечевиќ поднесе оставка. Тој ја извршуваше и функцијата претседател на Надзорниот одбор на Стопанска банка АД Битола.
Собранието на акционери кога ќе се изврши изборот на нов член на НО е закажано за 30 октомври годинава.
Минатата недела Стопанска банка Битола и Комерцијална банка Скопје соопштија дека се разгледува можноста за присоединување на двете банки.
„Во оваа рана фаза постапката не претставува намера за присоединување и во ниту еден аспект нема обврзувачки карактер, освен да го изрази првичниот интерес во рамките на претходна постапка да се стекнат информации, врз основа на кои би се дефинирала евентуална намера за присоединување во иднина“, се наведува во соопштението.
Во него се додава дека вистинската длабинска анализа ќе биде спроведена по усвојувањето на завршните сметки за 2023 година на двете банки на нивните собранија во 2024 година.
„Поради тоа, ова известување не треба да се толкува како официјална намера за присоединување на Стопанска банка АД Битола кон Комерцијална банка АД Скопје“, соопштија од банките.
.webp){kind=icon}
