Тикток, платформата за споделување видеа во кинеска сопственост, возвраќа пред судовите, откако регулаторите во Европа ѝ одредија казна од 345 милиони евра во поглед на приватноста на податоците односно налог затоа што не се грижела за приватните податоци на нејзините корисници на тинејџерска возраст.
Оддел на кинескиот „Бајтденс“ (ByteDance Ltd.) соопшти дека поднел жалба до Општиот суд на Европската Унија против казната и исто така локално ја оспорува наредбата од нејзиниот главен регулатор за податоци во Ирска за елиминирање на „измамничките или манипулативни“ практики што би можеле да ја поткопаат приватноста.
Казната за Тикток следува по интензивното испитување на практиките за заштита на децата од страна на компанијата што има повеќе од милијарда корисници низ светот и е најпозната по виралните предизвици. Минатата недела таа влезе во растечката листа на водечки играчи за социјално вмрежување, заедно со „Мета“ (Meta Platforms Inc.) и X на Илон Маск, кои добија предупредувачки писма од ЕУ да преземат брза акција за да се запре ширењето дезинформации.
Прочитај повеќе
Холивуд не може да се бори со Тикток, но може да го искористи
Сопствениците на профили ги сечат филмовите и ТВ-емисиите на десетици сегменти и ги објавуваат.
01.10.2023
Продавницата на Тикток е вистинска закана за е-трговијата
Потрошувачите можат да купуваат производи посебно означени во видеата или во преносите во живо (лајвстримс)
18.09.2023
Ирската комисија за заштита на податоци го казни Тикток во септември, откако заклучи дека апликацијата не ги заштитила малолетниците од непотребна обработка на податоци и не постапувала на транспарентен начин. Истрагата се однесуваше на петмесечен период од јули 2020 година до 31 декември 2020 година, која откри дека обработката на податоците на Тикток во тој период била во спротивност со правилата на Општата регулатива за заштита на податоците што се однесуваат на деца на возраст меѓу 13 и 17 години.
Според ГДПР (GDPR), ирското тело за надзор на податоци е одговорно за сите истраги во Тикток, бидејќи платформата сега има своја база на ЕУ во Даблин. Но имајќи предвид дека наводниот прекршок е сторен низ ЕУ, Европскиот одбор за заштита на податоци - комисија од европски регулатори одговорни за спроведување на законот - мораше да ја одобри конечната одлука.
Тикток ги потврди жалбите, но одби да коментира дополнително. ЕДПБ и ирското регулаторно тело за податоци исто така одбија да коментираат.
Панелот на ЕУ, кој се состои од претставници од 30 европски земји, изрази загриженост за начинот на кој Тикток ги „поттикнува“ децата да креираат јавна сметка и видеата поставени онлајн ги прави јавно видливи како стандардна опција.
.webp){kind=icon}
