.webp){kind=icon}
„УниКредит“ (UniCredit) понуди да го купи грчкиот удел од девет отсто во „Алфа банка“ и се согласи да ја преземе локалната единица на „Алфа банка“ во Романија, во стратешки договор чија цел е да го прошири своето присуство во Централна и Источна Европа.
„УниКредит “, кој не ја откри цената на својот удел во„ Алфа банка“, испрати понуда до грчкиот фонд за финансиска стабилност, односно до државниот фонд за докапитализација на банките создаден на почетокот на финансиската криза во земјата, според соопштение објавено во понеделникот. Врз основа на последната цена на затворање на „Алфа банка“, уделот е вреден приближно 269 милиони евра.
„УниКредит “ ќе плати и 300 милиони евра во готовина за романската единица на „Алфа банка“ и ќе ја спои со нејзиниот имот, создавајќи трета кредитна институција во таа земја. „Алфа банка“ ќе задржи 9,9 отсто од акциите во новосоздадениот ентитет.
Главниот извршен директор на „УниКредит “, Андреа Орсел изјави дека по вистинска цена, банката ќе размислува и за помали преземања на клучните пазари во Централна и Источна Европа. Договорот со „Алфа банка“ доаѓа веднаш откако „Стандард и Пурс“ ја оцени Грција како земја за инвестициска класа. Таа е прва од трите водечки рејтинг агенции кои го доделија овој рејтинг на Грција.
Bloomberg
Грција веќе го започна процесот на одвојување на сопственоста од своите банки со продажба на својот удел во „Еуробанк“ (Eurobank Ergasias Services and Holdings) на почетокот на октомври. Следниот месец тој планира да продаде 20 отсто од акциите во Националната банка на Грција.
Веднаш по реизборот во јуни, грчкиот премиер Киријакос Мицотакис вети дека ќе ја задржи про-бизнис ориентација и ќе го намали долгот на помалку од 140 отсто од БДП до 2027 година, од највисоките 206 отсто во 2020 година.
Договорот е „одличен почеток на процесот на одвојување и одраз на повратениот кредибилитет на Грција“, изјави главниот економски советник на премиерот, Алекс Пателис, за „Блумберг њуз“.
Грчката влада очекува економски раст од 2,3 отсто во 2023 година и три отсто во 2024 година, што е значително подобар резултат од повеќето европски земји. Банките успеаја да го намалат соодносот на лоши заеми од највисоките 107 милијарди евра во 2016 година, во услови на десетгодишна финансиска криза која проголта околу една четвртина од БДП на земјата.
Покрај тоа, двете банки се договорија и за партнерство според кое „Алфа Банка“ ќе дистрибуира производи за управување со средства, како и осигурување за единицата „УниКредит’ и нејзините 3,5 милиони клиенти. Исто така, компаниите ќе основаат заедничко вложување за пензиски штедни производи, при што „УниКредит“ ќе има 51 процент од акциите во „Алфалајф“.
Доколку купувањето на државниот удел во Алфа Банка од страна на „УниКредит“ не се реализира според планираното, италијанската банка се обврза да „купи пет отсто удел на пазарот или удел што произлегува од вкупниот однапред договорен износ на инвестиција во период од 24 месеци “, се вели во соопштението доставено до берзата.
