.webp){kind=icon}
„Тесла“ ќе ја зголеми цената на своите модели Y во Кина по промените што ги воведе во октомври. Ова е најновата од многуте промени на цените на најголемиот светски пазар на електрични автомобили.
Откако цената на спортскиот модел беше зголемена на 27 октомври, ќе поскапат и другите варијанти на моделот Y, иако времето на поскапување не е прецизирано, изјави за „Блумберг њуз“ претставник на „Тесла“ во Кина.
Bloomberg
„Тесла“ објави ценовна војна во Кина пред околу 12 месеци, почнувајќи да ги намалува цените на своите електрични возила поради намалениот обем на продажба. Многу ривали мораа да го следат нејзиниот пример.
Меѓутоа, неодамна компанијата почна да ги зголемува цените на некои возила, вклучувајќи го и зголемувањето од 14.000 јуани (1.920 долари) за гореспоменатата спортска верзија на моделот Y.
Моделот Y е еден од најпродаваните електрични автомобили во Кина. Новата верзија беше претставена на први октомври. Новиот модел донесе различно внатрешно осветлување, нов дизајн на тркалата и нови опции за бојата.
