Британската компанија „Хидроген утопија интернешнл“ - ХУИ (Hydrogen Utopia International) сака преку производството на медицински канабис во Македонија да обезбеди финансии што би ги инвестирала во својата технологија за добивање водород преку преработка на пластика што не може да се рециклира.
За таа цел, ХУИ има условена инвeстиција за преземење 49 проценти од сопственоста во компанијата за производство на медицински канабис „Охрид органикс“ (Ohrid Organics) лоцирана во Охрид, Македонија, која зависи од исполнување на целите на производството.
Всушност, зад двете компании стои британскиот менаџер Хауард Вајт, кој не ги крие намерите за обезбедување финансии преку производство на висок квалитетен медицински канабис во Македонија. Тој има намера македонскиот канабис да стане главен извор на приходи на ХУИ во 2024 година и натаму, кои заедно со средства од фондовите на ЕУ би биле основа да се привлечат инвеститори за отворање фабрика за производство на водород од пластика, за што веќе се разгледувани локации во Ирска и во Полска.
Прочитај повеќе
Со легализација на марихуаната Германија го сузбива црниот пазар
Германија ќе им дозволи на возрасните лица да купуваат и поседуваат до 30 грама канабис за рекреативна употреба.
30.10.2022
Марихуана ќе се продава на бензински пумпи во САД
„Грин тамб“, еден од најголемите американски производители на канабис, потпиша договор со синџирот маркети „Сркл кеј“ за продажба на лиценцирана марихуана на бензински станици во Флорида.
20.10.2022
Медицинскиот канабис однапред се продава поради големата побарувавачка во светот
За да ја задоволи побарувачката SafriCanna планира да го зголеми производството за дури пет пати до 2024
11.09.2022
Според анализата на овој бизнис изработена од Питер Хичинс, аналитичар во британската „Прогресив рисрч“, а објавена на терминалот на „Блумберг“, станува збор за иновативен начин за обезбедување пари од кои би се финансирала изградба на фабрика за преработка на пластика што не може да се рециклира. Во актуелните услови изградбата на таков капацитет би имал силна перспектива поради заложбите за намалување на негативните влијанија врз природата од фосилните горива и за намалување на загадувањето од пластика.
„Охрид органикс“ поседува локација од 27.000 квадратни метри во Охрид, на која во моментов има четири оперативни оранжерии, секоја со површина за обработка на приближно 350 квадратни метри, од кои се очекува еден тон медицински канабис годишно. Од компанијата укажуваат дека на локацијата има простор за изградба на вкупно 37 оранжерии.
„Охрид органикс“ очекува да започне продажба на медицински канабис во јануари 2024 година. Раководството проценува дека бизнисот би можел да генерира ЕБИТДА од приближно 6 милиони евра во 2024 година и 10 милиони евра во 2025 година“, пишува во анализата.
Во неа се додава дека ХУИ сака да го искористи тие пари за инвестиции во комерцијална употреба на својата технологија за преработка на отпадна пластика, која во актуелните услови би била фрлена, запалена или оставена на депонија.
„Преку пиролиза и гасификација, овој отпад може да се претвори во ултрачист синтетички гас (сингас). Овој гас може да се користи како гориво сам по себе, индустриски за производство на енергија и топлина или како состојка за други хемиски процеси. Бизнис-планот на ХУИ предвидува од тој гас да се извлекува 99 проценти чист водород, а преостанатиот дел да се користи како гориво“, пишува во анализата.
.webp){kind=icon}
